Tamannah In Abhinetri Movie


త‌మ‌న్నాని ఇలా చూడ‌గ‌ల‌మా..?
గ్లామ‌ర్ కి కేరాఫ్ లా ఉండే త‌మ‌న్నా ని మేక‌ప్ లేకుండా అస‌లు ఊహించుకోలేం అలాంటిది ఏకంగా సినిమాలోనే మేక‌ప్ లేకుండా క‌నిపిస్తే..? అప్పుడెప్పుడో ఓ తమిళ్ మూవీలో మేక‌ప్ లేకుండా క‌నిపించింది త‌మ‌న్నా. ఆ సినిమా తెలుగులోకి కూడా డ‌బ్ అయింది. త‌మ‌న్నా అంటేనే గ్లామ‌ర్, చ‌లాకీ, తెలుగులో గ‌లగ‌లా మాట్లాడేయ‌గ‌ల త‌మ‌న్నా బ‌య‌ట ఎంత యాక్టివ్ గా ఉంటుందో, సినిమాల్లోనూ అంత‌కు పదింత‌లు ఎక్కువ‌గా ఉంటుంది. అలాంటి త‌మ‌న్నా మేక‌ప్ లేకుండా డ‌ల్ గా క‌నిపిస్తే ఎలా..? అప్పుడెప్పుడో మేక‌ప్ లేకుండా న‌టించ‌డానికి సాహ‌సం చేసిన త‌మ‌న్నా, మ‌ళ్లీ ఇన్నాళ్ల‌కు అభినేత్రి కోసం ఆ సాహ‌సం చేసింది. ఇందులో త‌మ‌న్నా డ‌బుల్ రోల్ అని ప్ర‌చారం జ‌రుగుతోంది. ఒక రోల్ లో మోడ్ర‌న్ గా క‌నిపిస్తే, ఇంకో రోల్ లో అస్స‌లేమాత్రం గ్లామ‌ర్ లేకుండా క‌నిపించ‌నుంద‌ట‌.
త‌మ‌న్నా ని ఈ గెట‌ప్ లో చూడ‌టం నిజంగా చాలా క‌ష్టం. సినిమా టీజ‌ర్ లాంచ్, ఫ‌స్ట్ లుక్ లాంచ్ కు కూడా త‌మ‌న్నా పూర్తి నాటు లుక్ క‌నిపించింది. సినిమాలో ఓకే, మ‌రి బ‌య‌ట కూడా త‌మ‌న్నా ఎందుకు అలా ఉండ‌టం..తెలుగు,త‌మిళ భాష‌ల్లో రూపొందుతున్న ఈ చిత్రంలో త‌మ‌న్నాతో పాటు ప్ర‌భుదేవా, సోనూసూద్ లు కూడా న‌టిస్తున్నారు.