Niharika: Next Savitri in TFI


సినిమా ఇండస్ట్రీలో ఫేవ‌రెట్ అనే పదానికి ఎంత ప్రాధాన్య‌త ఉందో ప్ర‌త్యేకంగా చెప్పాల్సిన అవ‌స‌రం లేదు. హీరోల్ని బాబు అంటూ నెత్తిన పెట్టుకొని చూసుకోవటం మామూలే. లక్షలాది మంది అభిమానుల్ని సొంతం చేసుకునే హీరోల్ని ఆ మాత్రం గౌరవించటం తప్పేం కాదని వాదించేవాళ్లు ఉంటారు. ఆ విషయాన్ని పక్కన పెడితే.. ఇప్పటివరకూ తెలుగు సినిమా ఇండస్ట్రీలో ఉన్న తీరుకు బిన్నంగా.ఒక పెద్ద బ్యాక్ గ్రౌండ్ క‌లిగిన ఫ్యామిలీకి చెందిన ఒక అమ్మాయి హీరోయిన్ గా నటించటం మామూలు విష‌యం కాదు. ఒక మ‌న‌సు ఆడియో ఫంక్షన్ సందర్భంగా నిహారికను ఎత్తేసిన వైనం చూస్తే దిమ్మ తిరిగి మైండ్ బ్లాక్ కావటం ఖాయం. ఎక్కడైనా ఒక సినిమా విడుదలైన తర్వాత.. బాగా చేస్తే.. అరే.. చాలా బాగా చేశారంటూ కాంప్లిమెంట్స్ ఇస్తే ఓకే.. కానీ.. అందుకు భిన్నంగా నిహారిక నటించిన తొలి చిత్రం విడుదల కాక ముందే.. ఆమెను సావిత్రి.. సౌందర్య.. అనుష్కలతో పోల్చ‌టం చూస్తే వింత‌గా అనిపిస్తుంది. ‘‘ఒక మనసు’’ చిత్రంలో నిహారిక బాగా నటించి ఉండొచ్చు. అయితే.. ఆ సినిమా విడుదలై.. ప్రేక్షకుల ప్రశంసలు పొందిన తర్వాత ఆమెను పొగిడేయటంలో ఒక అర్థం ఉంటుంది. కానీ మహామహులతో పొగిడేటప్పుడు కొంచెం ప్రేక్ష‌కుల ఆమోదం కూడా ఉండాలిగా ఎంత మెగా ఫ్యామిలీ నుండి వ‌స్తే మాత్రం..