Nani To Romance With Sailaja


నానితో శైల‌జ‌..
ఐ ల‌వ్ యూ.. బ‌ట్ ఐయామ్ నాట్ ల‌వ్ విత్ యు అంటూ నేను శైల‌జ లో రామ్ జోడీగా అల‌రించిన కీర్తి సురేష్ ను కుర్ర‌కారు ఇంకా మ‌రిచిపోలేదు. నేను శైల‌జ త‌ర్వాత తెలుగులో కీర్తి స్టార్ హీరోయిన్ అయిపోయి త‌న హ‌వా కొన‌సాగిస్తుంద‌నుకున్న నేప‌థ్యంలో తెలుగు సినిమాలు ఓకే చేయ‌లేనంతగా ఆమె కోలీవుడ్ లో విజ‌య్, ధ‌నుష్ వంటి అగ్ర‌క‌థానాయ‌కుల స‌ర‌స‌న చోటు ద‌క్కించుకుంటూ దూసుకెళ్తుంది. ఈ త‌రుణంలోనే తాజాగా ఈ శైల‌జ ఒక తెలుగు సినిమాకు గ్రీన్ సిగ్న‌ల్ ఇచ్చిన‌ట్లు తెలుస్తుంది. సినిమా చూపిస్తా మావ డైర‌క్ట‌ర్ త్రినాథ‌రావు, నాని కాంబినేష‌న్ లో వ‌స్తున్న సినిమాలో కీర్తిని ఎంపిక చేసిన‌ట్లు చెప్తున్నారు. బెక్కం వేణుగోపాల్, దిల్ రాజు సంయుక్తంగా నిర్మిస్తున్న ఈ సినిమా త‌ర్వాత అయినా కీర్తి తెలుగు సినిమాలు చేస్తుందేమో చూడాలి మ‌రి.