Latest News

'జై సింహా' మూవీ రివ్యూ 'అజ్ఞాత‌వాసి' మూవీ రివ్యూ జూన్‌ నుంచి డైనమిక్‌ లేడీ డైరెక్టర్‌ జయ బి. దర్శకత్వంలో ఆర్‌.జె. సినిమాస్‌ కొత్త చిత్రం విష్ణు మంచు - జి నాగేశ్వర్ రెడ్డిల ‘ఆచారి అమెరికా యాత్ర’ టీజర్ రేపు విడుదల ! న‌టన మీలో దాగున్న వ‌ర‌మా..? ఛాన్స్ మేమిస్తాం! గాయత్రి చిత్రంలో శ్రియ పాత్ర పరిచయం మాస్‌ హీరో విశాల్‌ 'అభిమన్యుడు' టీజర్‌ విడుదల మలయాళ సూపర్ స్టార్ మమ్ముట్టి నటించిన స్ట్రీట్ లైట్స్ మూవీ టీజర్ రిలీజ్ 'ఉయ్యాలా జంపాలా' తర్వాత అన్నపూర్ణ స్టూడియోస్‌లో 'రంగులరాట్నం' సినిమా చేయడం చాలా హ్యాపీగా ఉంది - రాజ్ త‌రుణ్‌ మాస్ మ‌హారాజ్ ర‌వితేజ, క‌ళ్యాణ్ కృష్ణ , ఎస్ ఆర్ టి ఎంట‌ర్‌టైన్‌మెంట్స్ చిత్రం షూటింగ్ ప్రారంభం

పాటేసుకోడానికి ప‌రాయి దేశం వెళ్తున్న ఖైదీ..


మెగాస్టార్ `ఖైదీ నంబ‌ర్ 150` (బాస్ ఈజ్ బ్యాక్‌) జెట్‌స్పీడ్‌తో తెర‌కెక్కుతున్న సంగ‌తి తెలిసిందే. సంక్రాంతి రిలీజ్ కోసం డెడ్‌లైన్‌తో టీమ్ అహోరాత్రులు శ్ర‌మిస్తోంది.  ఈ చిత్రంలో చిరంజీవి స‌ర‌స‌న‌ కాజ‌ల్ క‌థానాయిక‌గా న‌టిస్తున్నారు. వి.వి.వినాయక్ దర్శకత్వం వహిస్తున్నారు. కొణిదెల ప్రొడక్షన్‌ కంపెనీ  పతాకంపై మెగాపవర్‌స్టార్ రామ్‌చ‌ర‌ణ్  నిర్మిస్తున్నారు. బాస్ ఈజ్ బ్యాక్ .. అన్న ట్యాగ్‌లైన్‌కి త‌గ్గ‌ట్టే ఇప్ప‌టికే పోస్ట‌ర్లు యువ‌త‌రంలోకి దూసుకెళ్లిపోయాయి. ఈ చిత్రానికి మెగాస్టార్ త‌న‌య సుశ్మిత డిజైన్ చేసిన కాస్ట్యూమ్స్‌కి ప్ర‌త్యేక‌మైన గుర్తింపు ద‌క్కింది. మెగాస్టార్‌ని త‌న కెరీర్‌లోనే అత్యంత స్టైలిష్‌గా సుశ్మిత డిజైన్స్ ఆవిష్క‌రించాయ‌న్న టాక్ వ‌చ్చింది. 2017 మోస్ట్ అవైటింగ్ మూవీగా ఖైదీ నంబ‌ర్ 150 గురించి ఇంటా బైటా చ‌ర్చ సాగుతోంది. ప్రీరిలీజ్ బిజినెస్‌లోనూ బాస్ అంతే స్పీడ్ చూపించ‌డం సౌత్ ఇండ‌స్ట్రీస్‌, ఓవ‌ర్సీస్‌లో హాట్ టాపిక్ అయ్యింది. ప్ర‌స్తుతం యూర‌ప్‌లో పాట‌ల చిత్రీక‌ర‌ణ‌కు యూనిట్ రెడీ అవుతోంది. 
 
ఈ సంద‌ర్భంగా రామ్‌చ‌ర‌ణ్ మాట్లాడుతూ -``ఖైదీ నంబ‌ర్ 150 పాట‌ల చిత్రీక‌ర‌ణ‌కు యూర‌ప్ వెళుతున్నాం. స్లోవేనియా, క్రొయేషియా (సెంట్ర‌ల్ యూర‌ప్‌) లాంటి అరుదైన దేశాల్లో రెండు పాట‌ల్ని తెర‌కెక్కించేందుకు అన్ని ఏర్పాట్లు సాగుతున్నాయి. జానీ మాష్ట‌ర్, శేఖ‌ర్ మాష్ట‌ర్‌ ఈ పాట‌ల‌కు కొరియోగ్ర‌ఫీ అందిస్తున్నారు. శ్రీ‌మ‌ణి సాహిత్యం అందించారు. అన్ని ప‌నులు పూర్తి చేసి, జ‌న‌వ‌రిలో సంక్రాంతి కానుక‌గా సినిమా రిలీజ్ చేస్తాం`` అన్నారు. 
 
ఈ చిత్రంలో బాలీవుడ్ న‌టుడు త‌రుణ్ అరోరా విల‌న్ పాత్ర‌లో న‌టిస్తున్నారు. ర‌త్న‌వేలు ఛాయాగ్ర‌హ‌ణం, దేవీశ్రీ ప్ర‌సాద్ సంగీతం అందిస్తున్నారు. జాతీయ అవార్డ్ గ్ర‌హీత తోట‌త‌ర‌ణి క‌ళాద‌ర్శ‌క‌త్వం వ‌హిస్తున్నారు.