Bahubali2 Climax With High Budget


క్లైమాక్స్ కే 30కోట్లా...?
 
కేవ‌లం టాలీవుడ్ ని మాత్ర‌మే కాదు, ప్ర‌పంచంలోని అంద‌రినీ త‌న వైపుకు తిప్పుకున్న చిత్రంగా బాహుబ‌లి2 తెర‌కెక్కుతుంది. రాజ‌మౌళి రూపొందించిన బాహుబ‌లి అనూహ్య‌మైన విజ‌యాన్ని సాధించ‌డంతో ఇప్పుడు అంద‌రి దృష్టి దీని సీక్వెల్ అయిన బాహుబ‌లి2 మీద ప‌డింది. దీనికితోడు భారీ బ‌డ్జెట్ తో తెర‌కెక్కిస్తుండ‌టంతో ఎంతో ఆస‌క్తి క‌లిగిస్తుంది.
అంతేకాదు ఈ సినిమా క్లైమాక్స్ దృశ్యాల చిత్రీకర‌ణ‌కు 30కోట్లు వెచ్చిస్తున్నార‌ట‌. సోమ‌వారం నుంచి రామోజీ ఫిల్మ్ సిటీలో సుమారు 70రోజుల పాటు ఈ చిత్రీక‌ర‌ణ భారీ ఎత్తున జ‌రుగుతుంది. అప్ప‌ట్లో బాహుబ‌లి క్లైమాక్స్ చిత్రీక‌ర‌ణ‌కు 10 కోట్లు పెడితేనే అదొక సెన్సేష‌న్ అయింది. అలాంటిది ఇప్పుడు భారీ బ‌డ్జెట్ తో తెర‌కెక్కిస్తుండ‌టంతో ఎంతో ఆస‌క్తి క‌లిగిస్తుంది.