Attarillu Movie First Look Release


From the  banner of Anjan kalyan art creations melody king Manisharma musical Anjan k kalyan who is both producer and director for the movie named "Atharillu". This move is shaped up With all new artists which completed censor formalities recently. On this event they released the 1st look poster of this movie.
‘అత్తారిల్లు’ ఫస్ట్ లుక్‌  విడుదల‌
అంజన్‌ కళ్యాణ్‌ ఆర్ట్‌ క్రియేషన్స్‌ బ్యానర్‌పై  మెలోడీ బ్రహ్మ మణిశర్మ  నేపధ్య సంగీతంలో అంజన్‌ కే కళ్యాణ్‌ నిర్మిస్తూ దర్శకత్వం వహిస్తున్న చిత్రం  ‘అత్తారిల్లు’. అంతా కొత్త నటీనటుతో రూపొందిన ఈ హర్రర్‌ కామెడీ చిత్రం ఇటీవలే సెన్సార్‌ పూర్తి చేసుకుంది. ఈ సందర్భంగా ఈ చిత్ర   ఫస్ట్  లుక్‌ను విడుదల‌ చేశారు.
దర్శక నిర్మాత అంజన్‌ కే కళ్యాణ్‌ మాట్లాడుతూ... ‘స్వతహాగా చిత్రకారుడినైన నేను సినిమా మీదున్న ఆసక్తితో యానిమేషన్‌ నేర్చుకొని  తద్వారా క్రియేటివ్‌ డైరెక్టర్‌ క్రిష్ణవంశీ గారి సినిమాకు స్టోరీబోర్డ్‌ ఆర్టిస్ట్‌గా, అసోసియేట్‌ డైరెక్టర్‌గా 7 సంవత్సరాలు, శ్యాం ప్రసాద్‌ రెడ్డి గారి ‘అరుంధతి’ సినిమాకు స్క్రిప్ట్‌ వర్క్‌లో పాలుపంచుకున్నాను. రాంగోపాల్‌ వర్మ రక్త చరిత్ర, అప్పల‌రాజు  చిత్రాల‌కు క్రియేటివ్‌  సైడ్‌ పనిచేసిన నేను ‘అత్తారిల్లు’ కథ రాసుకుని 18 సంవత్సరాల‌ ఆశయాన్ని కసిగా చేసి రూపొందించిన  చిత్రమే ఈ ‘అత్తారిల్లు’. మణిశర్మ గారికి ఈ సినిమా నచ్చి  అద్భుతమైన బ్యాక్‌ గ్రౌండ్‌ మ్యూజిక్‌ ఇచ్చారు.  కడుపుబ్బ నవ్వించే కామెడీ, భయపెట్టించే థ్రిల్స్‌, డెన్నిస్‌ నార్టన్‌ సంగీతంలో వినసొంపైన రెండు మంచి పాటల‌తో పాటు ఎన్నో ఎంటర్‌టైౖన్‌మెంట్‌ అంశాలున్న ఈ చిత్రాన్ని త్వరలో విడుదల‌కు సిద్దం చేస్తున్నాం. ఇటీవల తెలుగు ప్రేక్షకుల్లో వచ్చిన మార్పు చాలా సంతోషాన్నిచ్చింది. కథ, కథన బలాల‌ ముందు   ఏదీ పనిచెయ్యదని  సక్సెస్‌ అయిన చిన్న సినిమాలు నిరూపించాయి. ఈ విష‌యాన్ని ‘అత్తారిల్లు’ మరోసారి రుజువు చేస్తుంది అన్నారు.
సాయి రవి కుమార్‌ , అతిథి దాస్‌, అనస్తేశియ చప్రసోవ, నండూరి రాము, రాకేశ్‌ శర్మ, ఉదయ్‌ శరత్‌, జోజూ, ఆర్‌జె వంశీ రామరాజు, ఎక్కా వినోద్‌ కుమార్‌, రాజేంద్ర పులి, రాజశేఖర్‌, మమత  తదితరులు నటిస్తున్న ఈ చిత్రానికి బ్యాగ్రౌండ్‌ మ్యూజిక్‌: మణిశర్మ, పాటలు: డెన్నిస్‌ నార్టన్‌, కెమెరా: శివశంకర వరప్రసాద్‌, డాన్స్‌: జోజూ, ఫైట్స్‌: రెబల్‌ మాస్టర్‌, కో-డైరెక్టర్‌: కరణం వి లోకనాథ్‌, ఎగ్జిక్యూటివ్‌ ప్రొడ్యూసర్‌: యం.హెచ్‌.రెడ్డి, సమర్పణ: అక్షయ్‌-అశ్విన్‌, కో- ప్రొడ్యూసర్స్‌: కాక‌ల్ల ల‌క్ష్మీ మ‌ల్ల‌య్య,  జ్యోతి. కె. కళ్యాణ్‌,  కథ - స్క్రీన్‌ప్లే -  నిర్మాత - దర్శకత్వం: అంజన్‌ కె కళ్యాణ్‌.