Latest News

'జై సింహా' మూవీ రివ్యూ 'అజ్ఞాత‌వాసి' మూవీ రివ్యూ జూన్‌ నుంచి డైనమిక్‌ లేడీ డైరెక్టర్‌ జయ బి. దర్శకత్వంలో ఆర్‌.జె. సినిమాస్‌ కొత్త చిత్రం విష్ణు మంచు - జి నాగేశ్వర్ రెడ్డిల ‘ఆచారి అమెరికా యాత్ర’ టీజర్ రేపు విడుదల ! న‌టన మీలో దాగున్న వ‌ర‌మా..? ఛాన్స్ మేమిస్తాం! గాయత్రి చిత్రంలో శ్రియ పాత్ర పరిచయం మాస్‌ హీరో విశాల్‌ 'అభిమన్యుడు' టీజర్‌ విడుదల మలయాళ సూపర్ స్టార్ మమ్ముట్టి నటించిన స్ట్రీట్ లైట్స్ మూవీ టీజర్ రిలీజ్ 'ఉయ్యాలా జంపాలా' తర్వాత అన్నపూర్ణ స్టూడియోస్‌లో 'రంగులరాట్నం' సినిమా చేయడం చాలా హ్యాపీగా ఉంది - రాజ్ త‌రుణ్‌ మాస్ మ‌హారాజ్ ర‌వితేజ, క‌ళ్యాణ్ కృష్ణ , ఎస్ ఆర్ టి ఎంట‌ర్‌టైన్‌మెంట్స్ చిత్రం షూటింగ్ ప్రారంభం

ఎన్టీఆర్ బ‌యోపిక్ కు డైర‌క్ట‌ర్ ఆయ‌నే..


స్వర్గీయ శ్రీ నంద‌మూరి తార‌క రామారావు గారి జీవిత చరిత్ర ను ఆధారంగా చేసుకుని సినిమాను తెర‌కెక్కించ‌నున్నామ‌ని బాల‌కృష్ణ చేసిన ప్ర‌క‌ట‌న‌తో యావ‌త్తె లుగు ప్రేక్ష‌కులు ఎంతో ఆనందంతో ఉక్కిరిబిక్కిర‌య్యారు. ఎన్టీఆర్ పాత్ర‌ను తానే చేయ‌బోతున్నాన‌ని చెప్పిన బాల‌య్య‌, ఆల్రెడీ ఈ సినిమాకు సంబంధించి, స్క్రిప్ట్ వ‌ర్క్ జ‌రుగుతుంద‌ని, మిగ‌తా వివ‌రాలు కూడా త్వ‌ర‌లోనే వెల్ల‌డిస్తామ‌ని చెప్పారు.

ఎప్పుడైతే ఈ సినిమా అనౌన్స్ చేశారో, అప్ప‌టి నుంచి ఈ సినిమాకు సంబంధించిన నిర్మాత ఎవ‌రు, ద‌ర్శ‌కుడు ఎవ‌రు, ఎప్పుడు సినిమా మొద‌లు పెడ‌తారు, ఎన్ని రోజుల్లో పూర్తి చేస్తారు, ఎప్పుడు రిలీజ్ చేస్తారు అని ఎన్నో ప్ర‌శ్న‌లు అభిమానుల‌ను వెంటాడుతున్నాయి. ఈ నేపథ్యంలోనే ద‌ర్శ‌కుడు పూరీ జ‌గ‌న్నాథ్ పేరు వినిపిస్తోంది. అస‌లు ఎన్టీఆర్ జీవిత చ‌రిత్ర ను సినిమా తీయాల‌న్న‌ది బాలయ్య ఆలోచ‌న కాద‌ని, అదంతా పూరీ ప్లానే అని, ఈ స్టోరీకి సంబంధించి ఒక లైన్ రూపంలో స్టోరీ ని చెప్పిన వెంట‌నే బాల‌య్య నుంచి గ్రీన్ సిగ్న‌ల్ వ‌చ్చి, బాల‌య్య సినిమా గురించి ప్ర‌క‌ట‌న చేశాడ‌ని అంటున్నారు.

అయితే దాదాపుగా గ‌త రెండేళ్లుగా స‌రైన హిట్ కోసం ఎదురుచూస్తున్న పూరీ, ఈ సినిమాతో ఎలాగైనా త‌న స్టామినాని నిరూపించుకోవాల‌ని ట్రై చేస్తున్నాడ‌ట‌. ఈ సినిమా కోసం కేవ‌లం పూరీ మాత్ర‌మే కాదు, మ‌రో ఇద్ద‌రు రైట‌ర్స్ కూడా ఈ సినిమా కోసం స్క్రిప్ట్ వ‌ర్క్ చేస్తున్న‌ట్లు తెలుస్తోంది. ఎన్టీఆర్ జ‌యంతి రోజైన మే 28న ఈ సినిమాను సెట్స్ పైకి తీసుకెళ్లే యోచ‌న‌లో ఉన్నాడ‌ట బాల‌య్య‌.